Ek bepeins dié week in Afrikaans

 Search results for blog

Foto’s: OFM News

My Weeklikse Bepeinsing #12/2017

So, gister was die groot ‘It’s Time’ gebedsbyeenkoms in Bloemfontein en daar was ‘n mag der menigte Suid-Afrikaners wat gaan bid het vir verandering in Suid-Afrika. Hier is net drie Skrifte (van die baie) waaruit Vader ons uit die Bybel leer oor gebed.

…en (as) my volk, oor wie my Naam uitgeroep is, hulle verootmoedig en bid en my aangesig soek en hulle bekeer van hul verkeerde weë, dan sal Ék uit die hemel hoor en hulle sonde vergewe en hulle land genees. (2 Kronieke 7:14)

Waak dan en bid altyddeur, sodat julle waardig geag mag word om al hierdie dinge wat kom, te ontvlug en voor die Seun van die mens te staan. (Lukas 21:36)

…terwyl julle met alle gebed en smeking by elke geleentheid bid in die Gees, en juis daartoe waak met alle volharding en smeking vir al die heiliges… (Efesiërs 6:18)

***

So is ons land al vir baie lank al op die afdraende pad en toe hoor ‘n gewone, onvolmaakte  man (soos wat die Mosesse en Dawidde en Elias van die Bybel ook maar was) dat hy ‘n gebedsbyeenkoms moet hou waar mense van Suid-Afrika hulleself kan verootmoedig, Vader se wil vra en bid vir die omstandighede in die land. As ‘n mens die boonste Skrifte lees, sou jy dink dis heel  eenvoudig. Bid vir almal en oor alles en te alle tye is die basiese boodskap. Maar o, wee! Ons is mos (Suid-)Afrikaners en oornag was die land in rep en roer!

***

En so analiseer en kritiseer en oordeel dit te lekker vir ‘n klompie weke lank.  En dit gebeur toe gister:

Een groep gryp die geleentheid aan, ondersteun dit en gaan bid. Die wat nie Bloem toe kon of wou gaan nie, het op hulle eie gebid of byeenkomste gereël waar hulle saam met ander kon bid – selfs in die buiteland.

Sommiges het gewonder of hulle kerke darem vandag ook vol sou wees en ander het die inisiatief uitgekryt as “nie van Christus nie”, as ‘n “die mekka van satan” vanweë “die oorvloed vals profesieë” wat daar uitgespreek is en so meer. En die onvolmaakte man wat dit gereël het, was volgens baie onder andere “geldgierig”, “net agter getalle aan” en “die anti-chris”.

Dan was daar die natuurlike reaksie van die ateïs dat mense net gaan om goed te voel oor hulleself en dat niks gaan verander nie.

 ***

Ek reken in ons quick-fix wêreld sal baie die hele gebed-ding as ‘n flop sien as daar teen môre niks verander het nie. Ek wens ons kon almal saam met dieselfde energie saamstaan wat deur sommiges gebruik is om te kritiseer en verdeling te veroorsaak. Dink net! Maar ons is nog hierdie kant van perfektheid. En dis hoe dit is. As ons dit tog net kan onthou.

***

Gister se gebeure het my beide hoop gegee en hartseer gemaak, maar dis maar net nog ‘n teken dat ons in onvolmaaktheid leef. Deur Vader se genade is ek nie deur al dié dinge verwar nie, maar ek dink die optrede van baie Christene die afgelope tyd kon tot redelike verwarring by jong/nuwe gelowiges lei, wat ‘n jammerte is.

***

Die Skrif uit Openbaring het weer gister telkens by my opgekom. Leef ons reeds in dié tyd?

Wie onreg doen, laat hom nog meer onreg doen; en wie vuil is, laat hom nog vuiler word; en laat die regverdige nog regverdiger word, en laat die heilige nog heiliger word. (Openbaring  22:11)

***

As jy ‘n gelowige is, besluit maar self volgens die Skrif oor gister se gebeure. Te veel ‘geloof’ word in ons dae op opinie gebou.

 

 

©  Fielies (Riëtte) De Kock

Awesomest wife. Finest mom. Hopeful Writer. Forever dreamer. Temporarily living in Cairo, Egypt.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s